Pasaden larunbatean, urtarrilaren 26an, ostegunetako gaztelaniazko klaseen AYTMA taldeak 2019ko lehen irteera gauzatu genuen. A zer nolako zortea gurea. Aste osoan zehar euria barra-barra eta larunbatean, eguzki biribila. Egunik aproposena irteerarako. Zehazki, El Pobaleko Burdinola eta gertuko parajeak bisitatu genituen. El Pobaleko Burdinola, fabrika hidrauliko zaharra da, burdinezko tresna mota desberdinak egiteko erabiltzen zena.  Bisita gidatuan, burdin-errota prozesu guztia ezagutu genuen. Hain zuzen, Barbadun ibaiaren urez hornituriko instalazio guztiak martxan jarri ziren. Horrez gain, burdinolan aritzen den errementari batek, eredu tradizionaleko forja erakusketa ikusteko aukera eman zigun.   Egia esan… izugarri gustatu zitzaigun! Bisita oso arrakastatsua izan zen, izan ere, zalantzak argitzeko aukera izan genuen, Burdinola sakonki ezagutu genuen eta praktika [...]